----------------------------------------------------------------------------------------
Huawei သည် Nova series တွင် ဒုတိယမျိုးဆက်အဖြစ် Nova 2 နှင့် Nova 2 Plus တို့ကို ထုတ်ဖော်ပြသလိုက် ပြီဖြစ်သည်။
ကျောဘက်၌ ကင်မရာနှစ်လုံး တပ်ဆင်ပေးထားပြီး အဓိကတစ်လုံးမှာ 12MP ရှိကာ အကူအနေဖြင့် 8MP ရှိသည့် ကင်မရာတစ်လုံးတို့ ပါဝင်သည်။ ရှေ့ဘက်၌ ပါဝင်သည့် Selfie ကင်မရာအတွက် 20 MP ရှိသည့် ကင်မရာကို အံ့အား သင့်ဖွယ်ကောင်းစွာ ထည့်သွင်းပေးထားသည်။ (P10 တွင် Selfie ကင်မရာမှာ 8 MP သာရှိသည်။)
စမတ်ဖုန်းနှစ်မျိုးစလုံးကို သတ္တုကိုယ်ထည်များဖြင့်သာ တည်ဆောက်ထားပြီး ကွာခြားချက်မှာ Nova 2 သည် မျက်နှာ ပြင်အရွယ်အစား ၅ လက်မရှိကာ Nova 2 Plus သည် မျက်နှာပြင်အရွယ်အစား ၅ ဒသမ ၅ လက်မရှိခြင်းဖြစ်သည်။ 1080p resolution ရှိသည့် LPTS LCD များကို ဖုန်းနှစ်မျိုးစလုံးတွင် တပ်ဆင်ပေးထား သည့်အပြင် 2.5D မှန်ကွေးဖြင့် ဖုံးအုပ်ပေးထားခြင်းဖြစ်သည်။
အထူအားဖြင့် ၆ ဒသမ ၉၉ မီလီမီတာသာရှိပြီး ဘက်ထရီစွမ်းဆောင်ရည်မှာ Nova 2 တွင် 2950mAh နှင့် Nova 2 Plus တွင် 3340mAh ရှိသည့် ဘက် ထရီများကို တပ်ဆင်ပေးထားသည်။ Chipset ကို Kirin 659 Chipset ကို အသုံး ပြုပေးထားသည်။Nova 2 တွင် 4GB RAM နှင့် 64GB Storage ပါဝင်ပြီး Nova 2 Plus တွင် 4GB RAM နှင့် 128GB Storage တို့ပါဝင်မည် ဖြစ်သည်။ ဈေးနှုန်းအားဖြင့် Nova 2 သည် ယွမ် ၂၅ဝဝ ကျသင့်မည်ဖြစ်ပြီး Nova 2 Plus သည် ယွမ် ၂၉ဝဝ ကျသင့်မည်ဖြစ်ကာ ဇွန် ၁၆ ရက်တွင် စတင်ရောင်းချ သွားမည်ဖြစ်သည်။
No comments:
Post a Comment